Rreth Teen Challenge

Prej disa vitesh, Teen Challenge Albania ka hapur qendrën e rehabiltimit Streha, qendër rezidenciale për individë me varësi si: droga, alkoli, lojërat e fatit, etj. Qendra Streha është për ata individ të cilët dëshirojnë të ndryshojnë stilin e jetës se tyre e të ndërtojnë një jetë e një të ardhme shpresëplotë. Fokusi i ynë në këtë qendër është transformimi jetësor, fitimi i zakoneve të reja dhe riintegrimi ne shoqëri.

Teen Challenge Albania është aktive në fushën e parandalimit të lëndëve narkotike, duke organizuar edhe duke marrë pjesë në ngjarje të tilla në nivel kombëtar në shkolla, ambjente publike në bashki të ndryshme të Shqipërisë, në median audiovizive dhe si dhe në nivel ndërkombëtar në konferenca edhe simpoziume të ndryshme.

Punonjësit edhe vullnetarët e Teen Challenge i gjen shpesh në spitale, në rrugët e qyteteve të tona duke kontaktuar me ata individë të ngelur pa shpresë për shkak të problemeve që ka shkaktuar varësia apo problemet e tjera jetë kontrolluese.

Në qytete të ndryshme të Shqipërisë ne kemi hapur Shtëpi Kafe të cilat janë vende edhe mundësi takimi me individë me probleme jetë kontrolluese si edhe mundësi orientimi për rrugën de duhur për një jetë në liri.

Ne besojmë se ka shpresë për çdo individ. Duke qenë një qendër e krishterë, besojmë se kjo shpresë mund të gjendet në një marrëdhënie personale me Perëndinë, nëpërmjet leximit Biblës edhe lutjes.